LEONEL QUILLO
ang sanglitan sa balaod sa entropy mao kini; sa kadugayang ginamit sa tasa, moabot ang punto nga hisangkilan kini ug mabuak, sama pananglit sa kapi nga walay laing kapadulngan kondili ang iyang pagkabugnaw;
sama pod nga ang buwak padulong man gyod sa pagkalawos; ang dahon padulong man gyod sa pagkalunhaw; ang bituon; ang buwan; ug ang bulalakaw padulong man pod sa ilang pagkatunaw; ang uniberso sa kinatibuk-an padulong man pod sa di matagna niining pagpanaw.
kining tanan, mamahimong masugilon isip bahaw nga napan-os kay nataligam-an samtang nagpatong sa buak nga lamisa diin iyang gikauban ang buak nga
baso; buak nga plato; ug ang nanihapon mao ang buak nga tawo nga adunay buak nga kasingkasing nga galingkod sa
buak nga lingkoran nga nanambo sa buak nga tamboanan samtang gapunayg ihap sa napapas nga numero sa gusbat nga kalendaryo,
gamit ang buak niyang mga tudlo, iyang gitudlo ang buak nga kawanangan ug gidibuho ug gisuwayag hubit ug tino ang piyesa sa buak nga konstelasyon gamit ang iyang mga badlis sa iyang palad, liog ug tangkugo.