Dugay naman siyang nahiluna
Taud-taod na pod siyang nagmalipayon
Ug labaw sa tanan —
Hagbay na gyod siyang gawasnon.
Unya ikaw diha
Daw irong gamilamila
Luoy uyamot
Pagkapait palandungon.
Panagway nga gadag-om
Diyot-diyot nanaligdig
Luhang mihinlo
Sa nagkalapok mong tanlag.
Sa imong pag-urong
Way bawt nimo
Giugbok nga tawo-tawo
Sa humayan.
Nan,
Unsa pa may imong gilangayan?
Lakaw
Sugdi ang pangayam
Ayg undang
Hangtod di matubilan
Gabangotan nga
Bilahan
Ug dughan.