Ayaw pagmug-ot sa suok,
Pasagdi ang mga ok-ok.
Hapit na ang tingsanggi,
Basin ikaw magkapuliki.
Sige, pahuway una, higala;
Ipid-ok ang mga mata.
Irag-irag una sa kilid
Ning payag nga nagtakilid.
Pag-andam na, higala,
Tingsanggi na!
Sige, huyatid na
Ug mag-arangkada na.
Sige, tuyok higala!
Kiay-kiay, kidhat gamay,
Pahiyom ug diyotay,
Kinabuhi imong gisapnay.
Dili lalim ang makigginukdanay,
Makakon usahay, dili.
Walay sarang bahandi,
Kundi gugmang hamili.