RONIE M. CATADMAN
Maribago, Lapu-Lapu City, Cebu
Sa dili madugay motaliwan
na usab
Ang kahayag nga
lamyon sa
kabalaw
Diha sa sidsid sa nanganawkanaw
Nga tabil sa kahayag nga nagpaabot
Sa naglugitom
kangitngit nga maghanig
Sa daghang mga
kamingaw nga
Mosikdo sa naghaw-ang kong kalag!
Nganong kanunay mo akong duawon,
Silabon wala ko man ikaw pangandoya
Aron lang kuniskunison mo kining
dughan
Sa nagbagiyos nga
udyong sa mga kasakit?
Sige, padayon sa
imong
pagdagmal kay
Himaya mo man nga magupok sa kapintas
Ang akong
kalibutan!
Ah! Unsa bay sarang
sa nanglugak
Nga pangilaba
nga karon
pugsanon
Kang mitingal sa
maasgad mong
Kamandag!