bagnol pagbanlas sa
panahon og pintal nianang mga
dahon sa talisay nga karon
nag-uran og dalag. nagpasilong ang
bata nga amarilyo og
sapot-unayan. lawom ang pangagho
ug makita nga gibanlas niyag
mga luha ang mabulokong
kaagi— katkat kahoy, tagu-tago,
dalikyat og tabi, duwa og taksi—
sutoy nga nahanaw pagpanday sa
panahon. ubay ang mga
bililhong gutlo sa iyahang pagtubo
saksi ug giubanan anang
dakong kahoy. nibiya nala'g
sunod-sunod ang iyahang mga
kaduwa apan padayong nagmatyag
og pandong ning habog nga talan-awon.
gabson na ugma kining sagradong
talisay uban pagbuldos sa
iyang ugma.