ingon sa gituok ang akong liog
sama kabug-at sa kalibotan
ang kahadlok nga gibanting
sa akong atubangan
ug ang matag pulong daw
hait nga kutsilyo nga sa akong baba mipatak-om
nalukmay, ug inanay nga nagpalong ang nagdilaab nga kalayo
wala nay gahom ang konsensya
sa nabato ko’ng
pagtuo
ug ang kahitas-an kanako mihagit
apan unsaon ko kayha pagsugilon kanimo
ang kamatuoran nga gihambin ning akong dughan?
