Balak: Litoka ang ngalan ko makausa pa

Balak: Litoka ang ngalan ko makausa pa

JOHN DANTE
Pitogo, Consolacion, Cebu

Padungga ang yuta
Nga nagbukot
Sa mga bukog
Kong nahikatulog
Sa bugnaw nga
bung-aw
Sa katuigan

Talikdi ayaw kanang buwak
Kansang gihay
Naingon sa luha;
Biyai ayaw kanang
kandila
Nga nagpabaga
Sa anuhos sa
akong krus

Kay nangapapas
Nang mga letra
sa lapida
Ug nahurot tanang timailhan
Nga milabay ako sa kalibutan
Ang uwahi nga panumdoman
Kanako mahanaw na...

Litoka ang ngalan ko makausa pa
Palihog, litoka...

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph