EMELIA FAJARDO BONTILAO
253 D. Jakosalem St., Brgy. Zapatera, Cebu City
Sa akong pag-inusara sa lawom nga kagabhion
Dili nako malikayan nga mahinumdom ako kanimo
Ug mangandoy nga unta magakos ko ikaw
Ug magunitan ko man lang ang imong mga kamot
Bisan sa damgo man lamang.
Sa akong pag-inusara sa mamingaw'ng kagabhion
Dili nako malikayan nga mosantop sa akong hunahuna
Ang malipayon natong kagahapon.
Sakit ang dagmal sa kapalaran kay sayong giputol sa kahitas-an
Ang malipayon natong panag-uban
Dinhi sa ibabaw sa kalibotan.
Sa lawom nga kagabhion samtang ako mag-inusara
Dili nako malikayan nga mangguho sa akong mga mata
Ang mga lusok sa luha ug modagayday
Sa akong mga aping…