Gerwin Vic E. Bhuyo
Bangkok, Thailand
Sa iyang katapusang
adlaw,
siya mibarog,
mga tudlo mitabikong sa mga lambo.
Ang mga balon, hayag
sama sa mga
handomanan,
molutaw, gawasnon,
ngadto sa langit—
dili alang sa mga bata,
nga naghulat,
naglurat ang mga mata.
Iyang gibuhian ang tanan,
matag usa nagdala
sa tibuok kinabuhi,
mga gininhawa,
mga gutlo sa hilom nga sayaw.
Ang mga bata nagtan-aw,
nag-abot ang ilang mga kamot—
apan wala siya molingi,
dili karong panahona.
Ang iyang kalipay,
ang iyang misyon,
dili gayod ila sa
paghupot.
Niining kahilom,
iya silang gibuhian—
sama sa pagbuhi
sa mga butang
nga labing mahinungdanon.
Dili alang sa uban,
apan sa hangin,
ngadto sa bukas
nga langit,
alang sa kasayoran
nga sa pagbuhi,
siya gawasnon.