Ronan Ramirez Lingatong
Maslug, Baybay City, Leyte
Usa ka kawatan ang iyang sakajan
Nga milatas sa atop sa kadagatan
Way nahabiling agi sa iyang mga kabja
Samtang naggujod kini sa pao’ng
Sinundog sa uwang sa ka sapaan
Gisubay ang sidsid sa kalag-itan
Diha sa langatad nga hunasan sa Pandan
Paingon sa na luok
nga bukana
sa Maitum
Sangko sa na lawis nga katunggan sa Punta
Namidpid sa mga samo nga nagdupa
Mokanap ibabaw sa mga lusay
Mountol sa mga
tampong
Namukaw kini sa nahinanok
Nga duut sa nokus
Mikalit og sabod
Dayon hagtos
Misirko ang punlanan
Human sa pipila
ka minutong
pag-am-am
Gisigpaw niya
ang kuha sa
iyang pailob
Nagbalik-balik ang mananagat
Kon diin kadto niya nakuha
Ug kon kitaon nimo ang pagsanag
Sa buwan nga
mihabol sa kalantap
Napuno sa gilabog
Nga anino sa limason
ang dagat
Makita nimo inig
hangad
Ang pagsarap sa mga kwaknit
Ngadto sa alimyon sa kalangsa
Nga miagbon gikan
sa luwang sa sakajan