Tea Solon
Mabolo, Cebu City
dinha sa hilom
naglingkod ako
nanglimpyo sa
mga pulong sulod
sa garay. daghan
ang dunggan
nag-apong, ubay
pod ang mga matang
nag-alirong sa
naginosarang balak.
usa na ka hakop nga
silhig tukog ang dagang
karon. nanilhig sa mga linya
hain adunay namahulay
nga mga dahong laya
gikan sa mga sanga sa
berdeng kawayan. sakit
ang pagbiya sa mga dahon
sa sanga; gikawras sab sa silhig
ang dughan sa mambabak.
