Balak: Pangaliyupo ngadto sa puting kurtina (Alang kang Marianne)

Balak: Pangaliyupo ngadto sa puting kurtina  (Alang kang Marianne)

LEONEL QUILLO

San Fernando, Cebu

Ania ako karon sa

balay nga

gi-adornohan

Og mabulukong mga

talan-awon

Nga gisibya sa hardin sa nataran

Nga namungingi sa nagkalandrakas

Nga mga buwak: puti, pula, dalag, bughaw.

Ug sa kilid sa

hardin ang

mga hinayhay

Mga patadyong bestida trubinayes

almirol,

Ug sa tuo simpig sa bungbong sa gamayng

Lantay anaa ka nagpahiyom samtang

Gisimhot ang puting

rosas sa imong kamot.

Ug ako dinhi sa tugas nga tamboanan

Nangaliyupo ngadto

sa puti nga

kurtina

Nga sa hangin

iyawat

nga padparon

Ang malumo nga hagawhaw sa akong

Kinasingkasing nga pagdapit sa

mga Bathala

Sa langit nga

nangiyawat

nga modagsa

Kintahay sa daklit ang bugwak sa

higayon

Nga dugay ko rang

gihulat nga moabot

Nga ako nang

makutlo ang

mga gihay

Sa imong lawas

hangtod nga moagas

Ang dugo sa imong pagkabuwak.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph