Ni Manuel Lino G. Faelnar
Nakab-ot ang gipangandoy,
Bisan og ang lawas gikapoy.
Giinom ang katam-is
Sa pagbating walay pares.
Kadugay nang gipaabot
Kining higayon nga anindot,
Himaya sa langit,
Nawala ang kangitngit.
Katam-is sa dugos
Sa gugma nga gigakos,
Higayon pahimuslan
Ug angkonon ang tanan.
Ka anindot sa pagbati
Nga maoy naghari,
Ning atong kinabuhi
Nga dili mabawi.
