LAMBERTO G. CEBALLOS
Ilaya, Cawayan, Dalaguete, Cebu
Masadya nga adlaw
sa tibuok kalibotan
nagsabwag og kangaya
sa katawhan.
Sa dughan motaliwan
ang kasub-anan
kay sa gugma ug pagbinatiay
pagapulihan.
Kay Pasko atong hangpon
ang Langitnong Gasa
sa atong dughan pasudlon
ang natawo nga Mesiya.
Ug sa atong mga kasingkasing
itisok ang birtud nga hamilsing
lamdaman sa diwang malig-on
sa Bag-ong Tuig pagaandamon.
