Balak: Sa tin-aw nga baybayon sa kasakit (Human sa kalisang sa gubat ug neo-liberalismo)

Balak: Gisulirap nako ang akong mga mata sa imong yamiid
Balak: Gisulirap nako ang akong mga mata sa imong yamiidBalak

LEONEL QUILLO
San Fernando, Cebu

Nagpadayon ako paglayag sama niining sakayan

bisan tuod dili matino sa tin-aw ang dalan

sa akong kapaingnan,

Sanggad sa dalan nga mangitngit

Kanako nagdahinggay

ang panghinaot

Daw mga bawod modunggo

sa akong

Kasingkasing matag

karon ug unya.

Alaot ba kita? Kita nga buot ihalad

ang atong kalag

ngadto sa gisaad

nga kalipay sa mga talidhay sa

mga bata?

Alaot ba kita? Kita nga buot momata

sa braso sa atong hinigugma?

Kita ang mga sundalo sa atong yuta

nga may damgo nga mahikit-an

ang pagsubang sa harianong adlaw,

apan sa atong tagsa-tagsang alaot

nga panaw nahimong usa lamang kini

kay halayo ang

damgo nga

nagpuyo

sa sabakan sa

kangitngit.

Sa matag grano niining balas

Ingon usab ang

atong mga kasakit.

Ang mga kasakit nga naghigot

kanato

Sa prisohan sa atong kaugalingong

Inahang yuta.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph