Alimuot ang palibot.
Nag-iyahay sa pagpangitag
Ikapaypay ang kadaghanan,
Aron ang kainiton mahatagag
Solusyon.
Ang mga nanagsigang
suga
Sa eskina, sa mga
maabi-abihong
Ibos gibisita.
Nagsadya silang
naniba
sa hayag nga siga
sa suga.
Ug bisan ang gamayng dan-ag
Sa kandila ilang
gisayaw-sayawan,
Ug sa mga pako gikapakapahan.
May miligid nga bato,
Daw giiway ang ali sa ganghaan,
Ug diha-diha dayon mibundak
Ang makusog
nga ulan.