Ronan Ramirez Lingatong
Maslug, Baybay City, Leyte
Nag-atbang atong paglantaw
Samtang nag-akbo kita sa talad
Gitutokan nato ang paglabay sa oras
Dunay mga pulong nga gipakita
Ang atong mata nga gibabagan
Nga malitok sa
atong baba
Ug walay usa kanato ang mipiyong
Kay nasayod kita
kon unsa
ka anugon
Ang mga gutlo sa atong panagkuyog
Kon malarag lamang
kini sa pagpilok
Ug niining lawak gisaulog nato
Sa hilom ang atong talidhay.