Desiree L. Balota
Talisay City, Cebu
gabii, ang hunghong nga nikidhat
alingawngaw sa usa ka siplat
ni Bulan nga niguhit kang Adlaw
og samin nga gisinggit ang pulaw
sa pulsong nagtutok sa gipiyong
ug gipakabuta ni Lanogon.
nagduka na si Lanogon karon.
nagkipat-kipat na ang gipiyong.
paminaw. mosiga na ang mata
ug ang kalimutaw mosulti na.
-Desiree L. Balota
Dakbayan sa Talisay, Cebu
