ERIC S.B. LIBRE
Digos City, Davao del Sur
Babaye:
Dihang ikaw
kanako
mitutok,
kasingkasing ko
mibalitok
apil na ang akong
utok.
Sa natilawan ko
imong halok
ingon ako sa
natiurok
akong dugo
nisurok.
Sa sunod panghitabo, ambot
wala gyod ko
makasabot
nganong tiyan
nako miburot.
Unsa na ning pagkabutanga
imbes nga
mag-eskuyla
nahimo na man
nuon kong
mama?
Lalaki:
Dihang ikaw
mibalos
pagtutok,
kasingkasing ko
mibalitok
apil na ang akong
utok.
Sa natilawan ko
imong halok
ingon ako sa
natiurok
akong dugo nisurok.
Sa sunod
panghitabo,
ambot
wala gyod ko
makasabot
ngano imong tiyan miburot.
Unsa na ning pagkabutanga
imbes nga
mag-eskuyla
nahimo na man
nuon kong
papa?