Gilagdaan ni Presidente Ferdinand ‘Bongbong’ Marcos Jr., ang balaod niadtong Lunes, Disyembre 9, 2024, nga nag-amendar sa Agricultural Tariffication Act (ATA) sa tinguha nga mas nakkompetisiya ang industriya sa bugas sa nasod pinaagi sa paghatag og suporta sa mga lokal nga mag-uuma.
Atol sa ceremonial signing sa Malacñang, si Marcos niingon nga ang lakang nga nag-amendar sa Republic Act 11203, o ang Rice Tariffication Law nagtumong sa pagsiguro nga ang mga mag-uuma makaangkon og makanunayong access sa mga kahinguhaan nga ilang gikinahanglan aron molampos.
Gilugwayan sa balaod ang pagpatuman sa Rice Competitiveness Enhancement Fund (RCEF) hangtod sa 2031 ug gipataas ang pundo niini gikan sa P10 bilyon ngadto sa P30 bilyon matag tuig.
"Through the RCEF, we have been able to invest in high-quality seeds, mechanization, and training for our farmers—ensuring that they are equipped with the right skills and tools to increase productivity. With the expiration of the original six-year plan for RCEF fast approaching, it became clear that we needed to extend and strengthen the program," matod ni Marcos.
"This will enable us to do much more for our farmers, ensuring that they have the resources they need to succeed and to make the rice industry even more competitive", dason niya.
Ang dugang nga pundo igahin sa pagsuporta sa mga prayoridad nga proyekto sama sa pagbansay ug extension nga serbisyo, pinansyal nga tabang sa mga mag-uuma sa humay nga nagtikad hangtod sa duha ka ektarya nga yuta, gipalapad nga rice credit nga tabang, mga pasilidad sa pag-compost alang sa biodegradable nga mga basura, pagdumala sa peste ug sakit, pagpauswag sa kahimsog sa yuta, mga programa sa pagsuporta sa panguma sa kontrata nga pagpanguma, ug pagtukod sa mga sistema sa irigasyon nga gipadagan sa solar. Ang lakang nakita usab aron mapauswag pa ang Programa sa Binhi ug ang Programa sa Mekanisasyon nga maghatag og daghang access sa mga mag-uuma sa mga dekalidad nga mga binhi aron madugangan ang ilang mga ani, ingon man makatabang sa pagpakunhod sa pagkawala sa post-harvest pinaagi sa pagpugong sa hangtod sa 375,000 ka tonelada nga gigaling nga bugas gikan sa pagkausik kada tuig.
Makatabang kini sa pagpakaon sa dugang 3.4 ka milyon nga mga Pilipino matag tuig alang sa sunod nga unom ka tuig, pagmintinar sa seguridad sa pagkaon ug accessibility sa bugas sa tanan.
Si Marcos niingon nga ang balaod nagpalig-on usab sa regulatory function sa Department of Agriculture (DA) aron higpit nga bantayan ang mga sistema sa Rice Industry ug ang mga polisiya niini pagsiguro nga ang bugas nga makaabot sa mga merkado nakasunod sa kalidad nga mga sumbanan ug regulasyon. /TPM/SunStar Philippines