Balaudnon sa interchange sa Mandaue giaprubahan

Mandaue City map.
Mandaue City map. (Google Maps)

Ang giduso nga House bill 1098 nga nanawagan sa pagtukod og tri-level interchange sa M.C. Briones St. corner U.N. Avenue sa Mandaue City giaprubahan na sa Kongreso sa ikatulo ug katapusang pagbasa niini niadtong Martes, Disyembre 12, 2023.

Ang balaudnon nga gipangamahanan ni Mandaue Lone District Representative Emmarie “Lolypop” Ouano-Dizon i-transmit ngadto sa Senado aron aprubahan ug iduso ngadto kang Presidente Ferdinand “Bongbong” Marcos Jr.

Si Ouano-Dizon nisang-at sa maong balaudnon niadtong Hulyo sa miaging tuig atol sa unang regular session sa 19th Congress.

Matod niya sa Sabado, Disyembre 16, 2023, nga ang pag-develop sa interchange makapamenos sa kahuot sa trapiko ug makamenos sa oras sa pagbiyahe tungod kay, human magamit ang junction, tangtangon ang traffic lights.

Matod ni Ouano-Dizon nga ang proyekto nga adunay inisyal nga budget nga P1.1 bilyunes, gitarget nga mahuman sa 2028.

Ang magbabalaud niingon nga siya usab nagtan-aw sa pag-file sa usa ka balaudnon sa paghimo sa usa ka detour nga magdugtong sa Marcelo Fernan bridge sa Cansaga bridge aron pagwagtang sa panginahanglan sa mga drayber padulong sa amihanan sa pagtabok sa UN Avenue.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph