Balay ‘gidauban’; suspek nga tag-iya nadakpan

Sogod town, Cebu.
Sogod town, Cebu. (Google Maps)

Balay gikataho’ng gituyo og sunog sa usa sa mga tag-iya niadtong Lunes sa gabii, Mayo 13, 2024 sa Sityo Mahubahu, Barangay Cabalwan, lungsod sa Sogod, amihanang Sugbo.

Gihulagway ang balay nga komon, gipanag-iya nilang Julia Tatoy, Noel Montecillo, Marva Sudaria ug Artemio Montecillo.

Ang suspek unang nadakpan sa mga tanod sa Cabalwan, nailhan nga si Cristian Jay Montecillo Tatoy, 33, ulitawo, usa sa mga tag-iya sa balay.

Base sa interview sa Superbalita Cebu sa imbestigador nga si P/Sr. Master Sgt. Jerome Quimque sa Sogod Municipal Police Station nga ang uyoan nga si Artemio Montecillo nakamatikod nga nagyawyaw ang suspek.

Wa magdugay nasunog na ang ilang balay nga ginama sa light materials. Naugdaw ang balay nga nidanyos og kapin sa P200,000.

Ang suspek gi-turn over sa kapulisan sa Sogod. Matod ni Quimque nga ang suspek nihimakak nga siya ang nisunog.

Samtang laing balay ang naugdaw sa sunog sa Martes alas 12:37 sa udto, Mayo 14, 2024 sa Barangay Cabangahan, Consolacion, Cebu. / DVG

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph