Balay gilungkab; mga alahas gikawat

Balay gilungkab; mga alahas gikawat
Balay gilungkab; mga alahas gikawat

Nadala sa kawatan ang nagkadaiyang mga alahas nga wa pa matino ang kantidad human gilungkab ang usa ka balay sa Kurbada Highway, Sityo Lo-oc, Brgy. Poblacion, Argao.

Matod sa biktima nga si Nica Powao nga wa nila masuta kon kanus-a gilungkab ang ilang balay kay tulo ka adlaw sila nga didto sa Dakbayan sa Carcar kay duna silay balay sa iyang bana sa siyudad.

Ilang nadiskobrehan nga gilungkab ang ilang balay niadto lang Dominggo sa alas 10 sa buntag, Hulyo 8, 2024.

Giukadyang na ang ilang kwarto ug ang usa ka set sa mga alahas nga gisulod sa jewelry box nahanaw na.

Gilangkuban kini sa mga bulawan nga kwentas, singsing, bracelet, usa ka parisan sa ariyos ug duha ka relo.

Ang kawatan o mga kawatan nikatkat sa koral ug gilungkab ang pultahan sa ilang balay./ DVG, mga hulagway tampo ni Nica Powao

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph