Balay gilungkab; P300K nadala

SunStar Naga City
SunStar Naga City

Mokabat sa P300,000 nga cash nakawat sa usa ka tawo nga nilungkab sa balay sa balay sa iyang silingan sa Purok Center 2, Brgy. Tangke, Dakbayan sa Naga niadtong Dominggo, Hunyo 30, 2024.

Ang pagpanglungkab nadiskubrehan niana nang alas 7:30 sa gabii sa samang adlaw.

Hinuon ang suspek nailhan, giila sa alyas nga si Charlito, nagpuyo ra sab sa mao nga dapit samtang ang biktima nga silingan giila sa alyas nga si Christy, 52, negusyante.

Sa pasiunang imbestigasyon sa kapulisan sa Siyudad sa Naga sa deriktiba sa ilang hepe nga si P/Lt. Col. William Homoc nasayran sa Superbalita Cebu nga base sa asoy sa biktima nga pag-uli niya sa iyang balay gikan sa iyang tindahan sa mga karne sa merkado alas 7:30 sa gabii, iyang namatikdan nga naukadyang ang su’d sa iyang balay.

Sa iyang pagsusi sa iyang drawer, nalungkab na ug nawagtang ang P300,000 cash.

Nakasu’d ang suspek pinaagi sa pagbuak sa window glass ug pag-cut sa iron grills.

Ang suspek nailhan kay may silingan nila nga nakakita sa paggawas sa balay apan ning pagsuwat sa taho wa pa madakpi. / DVG

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph