Balay gisunog kay sud-an way lami

WA LAMI-I: Sud-an nga nilat-ang baboy maoy nakaingon nga puwerting pungota sa suspek nga si Gerald Balsa, 39, (mugshot) kay ang iyang gihigop nga sabaw, nanimahong sabon. Sa iyang kalagot, iyang giduslitan ang kutson sa kuwarto hinungdan nga naugdaw ang ilang balay.
WA LAMI-I: Sud-an nga nilat-ang baboy maoy nakaingon nga puwerting pungota sa suspek nga si Gerald Balsa, 39, (mugshot) kay ang iyang gihigop nga sabaw, nanimahong sabon. Sa iyang kalagot, iyang giduslitan ang kutson sa kuwarto hinungdan nga naugdaw ang ilang balay. BALAMBAN POLICE STATION

Balay gidauban sa anak kay wala makauyon sa sud-an nga giluto sa iyang inahan.

Ang sunog miulbo alas 10:42 sa buntag, Dominggo, Disyembre 17 sa Sityo Sam-ang, Barangay Pondol, lungsod sa Balamban, Sugbo.

Si Gerald Balda, 39, anyos, ulitawo ug nagpuyo sa nahisgutang lugar, ang gipusasan human siya maoy gitudlo sa mga saksi lakip sa iyang igsuon nga maoy niduslit og lighter sa foam sulod sa lawak sa ilang panimalay.

Si FO1 Dwayne Matabalan, fire investigator sa Bureau of Fire Protection (BFP) Balamban nga nahinabi sa Superbali­ta Cebu, nagkanayon nabulabog ang mga silingan palibot sa balay nga nagkayo niadtong Dominggo.

Giisa nila sa first alarm ang sunog ug hingpit napawong ang kayo sa alas 11:22 sa buntag.

Ang danyos gibanabana nga mokabat sa P100,000 human nga gilamoy sa kayo ang balay nga ginama sa konkreto ug kahoy.

Matod ni Matabalan, ang stepfather sa suspek nga si Edwin Rivera, 60, traysikad drayber ug kapuyo ni Gene­zinda Balsa, inahan ni Gerald, ang mireklamo sa kapulisan.

Gihulagway ang suspek nga kanunay magmaoy ilabi na kon mahubog.

LIGHTER GIDUSLIT

Ang half sister niini ug laing kabanay maoy mga testigo sa dihang ilang nakita ang gihimo sa suspek.

Nagdala kini’g lighter dayon misulod sa kwarto ug giduslitan ang foam sa kutson.

Daling misilaob ang kayo nga niresulta sa pagkaugdaw sa ilang panimalay.

“Nasuko niya kay wala nakauyon sa gilutong sud-an sa iyang inahan, nagkaaway sila. Naglagot ning suspek, nikuhag lighter (ug) gidauban ang balay,” saysay ni FO1 Matabalan.

Gikataho nga hubog ang suspek niadtong higayona ug sa dihang gigutom, mikaon kini sa sud-an nga giluto sa iyang inahan nga nilat-ang baboy.

NANIMAHO’NG SABON

Apan wa kauyon si Balda human niya matilawi ang sinabaw kay matod pa nanimahong sabon ug ang plato nga iyang gigamit wa pa mahugasi.

Giingong naglain ang tiyan sa suspek ug nagsuka hinungdan nga nasuko siya sa iyang inahan nga miresulta sa init nga panaglalis.

“Lami unta sigop sa sabaw sa nilat-anang baboy, unya hugaw pagpreparar asta plato walay hugas maong naglain akong lawas,” reklamo sa suspek.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph