Naukab ang ugat sa usa ka dakong punoan sa kahoy hinungdan nga natumba og nahagsa ngadto sa balay sa Sitio Sacred Heart, Barangay Gun-ob, Lapu-Lapu City niadtong alas 5:30 sa sayong buntag, Miyerkules, Mayo 14, 2025.
Dali sab nga niresponde ang mga sakop sa Barangay Disaster and Risk Reduction Management Office Team, maayong na lang nga way nakalas o naangol
human sa hitabo ilabi na nga ang tagbalay nangatulog pa niadtong higayona.
Ang Disaster Team nipahimang-no sa mga residente nga susihon ang ilang palibot ilabi na niadtong mga balay nga duol sa mga dagkong kahoy namatikdan nga nagharag o gabok na ang punoan ug ipahibawo aron nga maanam og putol, aron sa paglikay sa disgrasya. / DPC