Balay naugdaw; 2 ang nangaangol

Mandaue City, Cebu.
Mandaue City, Cebu. (Google Maps)

Duha ang nangaangol sa unang sunog nga niigo sa siyudad sa Mandaue sa pagsulod sa Marso, ang Fire Prevention Month.

Basi sa imbestigasyon sa kabomberohan sa Mandaue ubos sa kamanduan ni Supt. Arnel Abellan, nasuta sa Superbalita Cebu nga ang sunog niulbo alas 4:20 sa kaadlawon, Dominggo, Marso 3, 2024, sa Fatima Road, Sityo Chicos, Brgy. Labogon, Mandaue.

Usa ka balay ang nasunog nga gipanag-iya ni Fortunato Managbanag.

Ang mga angol mao sila si Jimrod Bica, 29, ulitawo, sa­mad sa tuong tuhod, ug Sofia Chua, 23, dalaga, samdan sa wala ug tuo nga hawakan.

Atol ning pagswuat, padayon pa ang imbestigasyon sa kabom­berohan sa hinungdan sa sunog apan ang danyos gibanabana nga moabot og P156,000.

Usa lang ka pamilya nga gilangkuban sa unom ka indibiduwal ang naapektohan. / DVG

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph