Balay naugdaw sa sunog

Balay naugdaw sa sunog

Mga haligi na lang ang nagbarog sa usa ka balay nga naugdaw sa sunog sa Brgy. Mompeller, bukirang bahin sa lungsod sa Argao, habagatang Sugbo, alas 9:30 sa buntag sa Dominggo, Hunyo 16, 2024.

Sa followup sa Superbalita Cebu pinaagi kang F03 Michael Rodriguez, fire investigator sa Bureau of Fire Protection (BFP) sa Argao, ang balay ginama sa light materials hinungdan nga dali kining naugdaw.

Iyang giila ang tag iya sa balay nga mao si Marjorie Zacal ug gipuy-an nila ni Joshua Alcansado ug Jilian May Aleonar, kinsa giingon nga wala atol sa pagkasunog sa maong balay kay nanglakaw.

Ang gituohan nga hinungdan sa sunog mao ang electric fan nga gibiyaan nga nag-andar ug na-overheat.

Atol ning pagsuwat, ang kabomberuhan wala pa nibutyag sa danyos sa sunog nga naglambigit lang og usa ka balay. / DVG

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph