Balay naugdaw sa sunog; P160K danyos

NAUGDAW: Mokabat sa P160,000 ang danyos sa pagkasunog sa usa ka balay sa Brgy. Basak, dakbayan sa Mandaue sa Lunes sa buntag.
NAUGDAW: Mokabat sa P160,000 ang danyos sa pagkasunog sa usa ka balay sa Brgy. Basak, dakbayan sa Mandaue sa Lunes sa buntag. TAMPO ni SF02 Leo Andicoy

Naugdaw ang duha ka andana nga balay sa sunog nga niigo alas 9:45 sa buntag sa Lunes, Disyembre 4, 2023 sa San Miguel Village, Phase 1, sa Brgy. Basak, Siyudad sa Mandaue.

Ang balay iya ni Roberto Barnija, 72, minyo, nagpuyo sa maong dapit.

Sa interview sa Superbalita Cebu kang SF02 Leo Andicoy, imbestigador sa Bureau of Fire Protection (BFP) sa dakbayan sa Mandaue, matod niya nga ang ang sunog ilang nasuta nga nagsugod sa usa ka kuwarto sa ground floor diin nahimutang ang circuit breaker sa kuryente nga nibuto.

Apan matod ni Andicoy nga under investigation pa kini. ,

Gibana-bana nga nidanyos kini og P160,000.

Giisa ang first alarm alas 9:48 sa buntag, na control alas 10 sa buntag ug hingpit nga napawong paglabay sa 12 minutos. Way naangol.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph