Mokabat sa P300,000 ang danyos sa pagkasunog sa balay patigayon alas 5:41 sa hapon sa Sabado, Mayo 11, 2024, sa 32 F. Gonzalez St., Brgy. Ermita, Dakbayan sa Sugbo.
Ang nasunog mao ang establisemento nga gipag-iya ni Shawn Dy, nga giukopahan sa nag-abang nga si Rosita Baring ug uban pa. Ang sunog giisa sa first alarm alas 5:46 sa hapon ug hingpit nga napawong alas 6:38 sa gabii.
Si SFO1 Riza V Julve, fire investigator sa Cebu City Fire Office (CCFO), niingon nga ila pang gisusi unsay hinungdan sa sunog. / DVG