Usa ka dos andanas nga balay sa Barangay Caleriohan, lungsod sa Dalaguete nasunog, alas 11:50 sa gabii sa Miyerkules, Mayo 22, 2024. Kini gipanag-iya sa usa ka Andresa Zuniega Mirasol.
Si Barangay Kapitan Elias Jabagat sa Caleriohan maoy nitawag sa kapulisan ug mga bombero sa Dalaguete nga dali usab nga ningtubag sa alarma uban sa mga sakop sa Municipal Risk Reduction Management Office rescue team.
Nasuta nga nagsugod sa ground floor sa balay ang kayo. Usa ka bahin niini sari-sari store.
Napawong ang kayo sa alas 12:20 sa kaadlawon sa Huwebes, Mayo 23, 2024.
Wa hinuon maugdaw ang duha ka andana nga residential house. Wala usab makatabok ang sunog sa kasilinganan nga mga balay.
Atol sa pagkuha sa taho, ubos pa sa imbestigasyon ang hinungdan sa sunog ug kon pilay danyos nga gibilin. Apan wa hinuoy naangol atol sa insidente. / DVG