Balay sa fratman gironda, nasakmitan og K9 pistol

ARMAS: Ang K9 submachine pistol, magazine ug 14 ka bala sa 9mm nga nasakmit sa pagronda sa balay sa suspek nga si Gleen Cobrado Gestopa, 40, sa Purok Saging, Upper Guiwanon, Barangay Poblacion, lungsod sa Compostela, alas 5:43 sa buntag sa Biyernes, Pebrero 9, 2024. / CIDG Mandaue Unit
ARMAS: Ang K9 submachine pistol, magazine ug 14 ka bala sa 9mm nga nasakmit sa pagronda sa balay sa suspek nga si Gleen Cobrado Gestopa, 40, sa Purok Saging, Upper Guiwanon, Barangay Poblacion, lungsod sa Compostela, alas 5:43 sa buntag sa Biyernes, Pebrero 9, 2024. / CIDG Mandaue Unit

Balay sa sakop sa usa ka fraternity gironda sa kapulisan human gikataho nga kanunay magdala-dala og armas ug mamaligya usab og armas sa Purok Saging, Upper Guiwanon, Barangay Poblacion, lungsod sa Compostela, alas 5:43 sa buntag sa Biyernes, Pebrero 9, 2024.

Ang Criminal Investigation and Detection Group-Mandaue City Field Unit sa pagpangulo ni Police Captain Nigel Sanoy maoy nihimo sa operasyon sa pagsilbi sa search warrant nga giisyo ni Judge Allan Francisco Garciano batok kang Gleen Cobrado Gestopa, 40.

Nakuha sa kapulisan ang usa ka K9 submachine pistol, magazine ug 14 ka mga bala nga 9mm.

Matod ni Sanoy nga nakadawat sila og report gikan sa mga residente sa dapit nga dunay ilang silingan nga kanunay magdala og armas nga walay lisensya panahon nga mag-inom hinungdan sa ilang kahadlok.

Gipaubos dayon og imbestigasyon sa CIDG ug ilang nasuta nga gawas nga magdala-dala og armas panahon nga mag-inom sa iyang mga kauban sa fraternity, mamaligya sad kini og paltik nga mga armas.

“Namaligya sad na, Sir, og armas. Kanang na recovered nga KG9 is gi-deal na niya sa atoang agent,” matod ni Sanoy sa pakighinabi sa Superbalita Cebu.

Tungod niini, ang kapulisan nikuha dayon og search warrant ug ilang gilusad ang operasyon hinungdan nga nadakpan ang suspek.

Dugang ni Sanoy nga kabahin sa ilang Oplan Paglalansag Omega ang ilang operation ug mag-atubang ang suspek og kasong kalapasan sa Republic Act 10591 o Comprehensive Firearms and Ammunition Regulation Act.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph