Balay sa polis nasunog, naabo

NAGKAYO: Ang balay sa usa ka polis nga nagkayo sa sunog sa Biyernes sa kaadlawon, Mayo 10, sa  Poblacion, Sibonga. /
NAGKAYO: Ang balay sa usa ka polis nga nagkayo sa sunog sa Biyernes sa kaadlawon, Mayo 10, sa Poblacion, Sibonga. / FB post ni Angelyn Amaquin Palapar

Naugdaw ang balay sa usa ka polis sa sunog ala 1:40 sa kaadlawon sa Biyernes, Mayo 10, 2024, sa Sityo Taloot, Brgy. Poblacion, lungsod sa Sibonga.

Sa interview sa Superbalita Cebu kang SF01 Reynald Redoblado sa Bureau of Fire Protection (BFP) sa Sibonga, ang balay gipanag-iya ni Patrolman Cristian Casol, 30, minyo, nadestino sa Carcar Ci­ty Police Station.

Matod ni Redoblado nga sila si Casol ug iyang pamilya wa sa ilang balay atol sa sunog.

Ilang giisa sa fist alarm ang sunog sa ala 1:40 sa kaadlawon apan kay nagkinahanglan sila og back up nga mga bombero sa Argao ug Dalaguete, ilang giisa sa 2nd alarm ala 1:53 sa kaadlawon.

Kini under control alas 2:48 sa kaadlawon ug hingpit nga napawong alas 2:50 sa kaadlawon ug nagbilin og danyos nga P480,000.

Nagpadayon pa ang imbestigasyon ubos sa kamandoan sa ilang fire marshal, Insp. Alberto Hagdon, atol ning pagsuwat. / DVG

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph