DUHA ka kaso sa pagpamusil sa Central Visayas niadtong Dominggo sa kaadlawon Mayo 12 ug kagahapon sa kaadlawon atol sa adlaw sa piniliay, Mayo 13 ang natala sa kapulisan.
Samtang nakatala na og 109 ka personalidad ang sikop subay niining liqour ban.
Alas 4 sa kaadlawon niadtong Dominggo sa Barangay Albiga, Siaton, Negros Oriental napusilan ang usa ka Jobencio Ade nga nagpuyo ra usab sa maong dapit human ni mag wild tungod sa tumang ka hubog.
Pag responde sa mga police mibunot ni sa iyang armas ug nagpasalba ug buot pa unta nga mamusil.
Tungod niini si Police Senior Master Sergeant Sherwin Laingo sa Siaton Police Station nga maoy mi responde sa alarma mipusil sa biktima sa walang dughan.
Gidali pa unta ni pagdala sa Congressman Lamberto Macias Diatrict Hospital apan gi declare kinig dead on arrival.
Sa Barangay Tangcasan Norte sa Loay, Bohol pasado ala 1 sa kaadlawon kagahapon, Mayo 13 gipusil sa wala pa mailhing armadong kalalakin-an nga sakay og itom nga SUV ang usa ka suporter sa usa ka kandidato pagka mayor sa maong lungsod.
Gikulata usab ang kauban niini nga nakaangkon og mga bun-og sa kalawasan sa maong mga armadong mga suspek.
Ang biktima sa pagpamusil mao si Lucas Wate samtang ang gikulata mao si Michael Gaslang nga molupyo ra usab sa maong barangay.
Sa pasiunang impormasyon nga nakuha sa Police Regional Office 7 nasuta nga gikan sa usa ka party ni Atty. Helario Ayuban nga kandidato pagka mayor sa maong lungsod apan sa pag pamauli na unta niini sakay sa ilang motor kalit lang nga nangabot ang mga armadong tawo.
Igo sa walang dughan ang naangkon ni Wate ug dali ning gidala ang mga biktima sa tambalanan sa siyudad sa Tagbilaran nga padayon pa nga gi obserbahan.
Nakatala ang Regional Election Mo nitoring Action Center og 109 ka personalidad nga nadakpan sa Liquor ban diin 67 niini sa dakbayan sa Sugbo ug duha sa maong mga dinakpan menor de edad.
Gisundan kini sa probinsya sa Sugbo nga adunay 35 ang nadakpan samtang 7 sa lalawigan sa Bohol ug sa Negros Oriental adunay 8 ang naka dagan.
Lima usab ang nadakpan sa vote buying diin ang 4 niini sa siyudad sa Sugbo ug usa sa Negros Oriental.
Matod ni Police Brigadier General Debold Sinas nga sa pagkakaron malinawon pa ang eleksyon sa tibuok rehiyon 7 diin sa pag bukas sa mga polling precints alas 6 ganinang buntag wala sila makasugat og problema.
Gipasubay pa usab ni Pol. Brig. Gem. Sinas ang report nga adunay motorsiklo sa usa ka tanod sa barangay Paril bukirang dapit sa dakbayan sa Sugbo ganinang alas 9:10 sa buntag.
Si kapitan Neresa Doncillo sa barangay Paril mikompermar sa insidente.
Matod niya ang maong motor gipanag iya sa iyang tanod nga si Aniver Enriquez alyas Ando. (AYB)