13 ka mga kolurom nga PUV mibiyahe, sakpan

KOLUROM: Usa lang kini sa kolurom nga mga sakyanan nga gigamit sa pagpamasahero bisan ilegal. Kini nasakpan sa Land Transportation Office (LTO 7) sa Septiyembre. / TAMPO SA LTO 7
KOLUROM: Usa lang kini sa kolurom nga mga sakyanan nga gigamit sa pagpamasahero bisan ilegal. Kini nasakpan sa Land Transportation Office (LTO 7) sa Septiyembre. / TAMPO SA LTO 7

Niabot sa 13 ka mga mga ilegal o kolorum nga public utility vehicles (PUJs) nasakpan sa Land Transportation Office (LTO) sa Septiyembre 2023 nga ningbiyahe.

Ang kolorum nga mga sakyanan dili awtorisado nga public utility vehicle kay way prangkisa gikan sa Land Transportation Franchising and Regulatory Board (LTFRB).

Kini nga pagpanakop gipangulohan sa LTO ug gilangkuban sa random roadside inspections sa mga operasyon nga gihimo sa daghang mga siyudad sa Metro Cebu.

Ang mga operasyon gilusad sa Cebu City, Talisay City, ug Minglanilla gikan sa Septiyembre 19-21, 2023.

Sa 13 ka kolorum nga mga sakyanan nga na-intercept, walo ang van, tulo ang PUV ug duha ang multicab.

SILOT

Si Reynaldo Elnar, Chief Transportation Development Officer sa LTFRB Central Visayas, nitug-an sa SunStar Cebu sa Lunes, Oktubre 2, nga ang mga sakyanan nga makit-an nga makalapas ipaubos sa impounding.

Ang mga operator o tag-iya niini mag-atubang na og silot subay sa Joint Administrative Order (JAO). Num. 2014-01.

Ubos sa mando, ang multa sa mga kalapasan naglakip sa P1 milyon sa mga bus, P200,000 sa mga trak ug van, P120,000 sa mga sedan, P50,000 sa mga jeepney, ug P6,000 sa multicab.

Gawas niini nga mga multa, ang tanang kolorum nga mga sakyanan i-impound sa labing minos tulo ka mga bulan.

Dugang pa, ang rehistrasyon sa sakyanan ug ang tibuok certificate of public convenience nga may kalabutan sa kolorum nga sakyanan tangtangon.

Gisubli ni Director Glen Galario sa LTO Central Visayas sa Lunes ang nag-unang tumong nga gilatid ni LTO Chief Assistant Secretary Atty. Vigor D. Mendoza II, mao ang pagpalig-on sa mga aksyon batok sa kolorum nga mga sakyanan.

“We will continue our operations against colorum vehicles with intensified efforts from our enforcement officers, we will also strengthen and randomly conduct checkpoints at the strategic areas in the region, and we will surely continue our collaboration with other agencies,” matod ni Galario. (KJF)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph