ANG branch manager ug teller sa usa ka agribusiness company sa Bohol gisikop sa kapulisan sa Argao gumikan sa kaso'ng estafa didto sa Barangay Capio-an, lungsod sa Argao, probinsiya sa Sugbo sa alas 2 hapon sa Huwebes, Septiyembre 1, 2022.
Base sa sketchy incident report sa Argao Municipal Police Station, ang kapulisan sa Argao maoy ni-serve sa warrants nga giluwatan ni Judge Glenn P. Pergamino sa Branch 52 Talibon batok kang Renato Autida, 38, minyo, manager sa Organico Talibon branch ug sa teller nga si Vincent Bunado, 30, minyo, nga miresulta sa pagkasikop sa duroha.
Ang mga suspetsado pareho'ng molupyo sa Barangay Tanghaligue, Talibon, Bohol.
Walay piyansa nga gitanyag sa korte alang sa ilang temporaryo'ng kagawasan.
Ang mga akusado nga mag-atubang og kaso'ng syndicated estafa gitanggong na karon sa Argao Police Sation. (GPL, TPT)