2 ka mga opisyal sa PRO 7 gipatawag sa Senate hearing

2 ka mga opisyal sa PRO 7 gipatawag sa Senate hearing

Duha ka mga opisyal sa kapulisan gikan sa Police Regional Office (PRO) 7 motambong sa Senate hearing human pasanginli sa mga resource person nga giingong dunay nahimong iregularidad sa serbisyo.

Ang mga opisyal nga gipangnganlan mao silang Police Colonel Arnel Banzon, kanhi direktor sa Lapu-Lapu City Police (LCPO) ug Police Colonel Rommel Ochave, hepe sa Cebu Police Provincial Office (CPPO).

Si Banzon nahimong hepe sa Negros Oriental Police Provincial Office (NOPPO) niadtong Mayo 27, 2020 hangtod sa Oktubre 3, 2020 samtang, si Ochave nahimong hepe sa rehiyon sa Criminal Investigation and Detection Group (CIDG) Regional Field Unit 7 sa maong tuig.

Atol sa Senate hearing, gisaysay ni Mayor Janice Degamo nga gipasanginlan sa kapulisan ang iyang bana nga si Governor Roel Degamo sa kamatayon sa usa ka komentarista sa FM station sa Dumaguete City nga si Felix Cornelio Pepino sa Mayo 5, 2020.

Matod ni Police Lieutenant Colonel Gerard Ace Pelare, spokesperson ni Police Brigadier General Anthony Aberin, direktor sa PRO 7, nga gimandoan ang duha ka mga opisyal sa pag coordinate sa Senado.

Nipasabot si Pelare nga ang paghingan nilang Banzon ug Ochave sa hearing sa Senado walay kalabotan sa kamatayon ni Governor Degamo nga niangin og laing walo ka mga kinabuhi.

Pasabot ni Pelare nga dunay mga pangutana ang mga senador nga angay nga tubagon sa maong police officers nga makahatag og kahayag sa imbestigasyon.

Gibutyag ni Pelare nga wala matandog ang morale sa tanang polis sa Central Visayas.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph