Duha ka mga Pinoy kompirmadong nasamdan tungod sa nagpadayong gubat sa Israel tungod pag-atake sa Palestine militant group nga Hamas, usa ka opisyal sa gobyerno niingon sa Lunes, Oktubre 9, 2023.
Sa usa ka pakighinabi sa telebisyon, si Consul General ug Deputy Chief of Mission Anthony Mandap niingon nga usa sa mga nangaangol nga Pino,y lalaki, nga gipusil sa mga nangatake samtang giluwas sa Israeli Defense Forces gikan sa usa ka shelter.
Ang laing biktima usa ka babaye nga nakasinati og suffocation uban sa iyang amo human gisunog sa Hamas ang ilang balay.
“Those are the confirmed cases of injuries. There could be more so we’re still investigating this and we are finding all possible contacts who might lead us to these individuals who might have been injured,” siya nagkanayon.
GIDAGIT
Matod ni Mandap nga ilang gi-verify usab ang mga taho nga adunay mga Pilipino nga gidagit sa grupo sa Hamas.
Matod niya nga nakig-estorya siya sa asawa sa usa sa gituohang Pinoy nga biktima nga gidagit ug iyang gikompirmar nga ang iyang bana ang anaa sa viral video.
“But we don’t want to leave it at that because we want to be certain before we make any categorical announcement,” matod ni Mandap.
“But then again, there is no clear confirmation from anyone about the veracity of these reports and we continue to investigate,” dugang niya.
Siya niingon nga ang gobyerno sa Pilipinas adunay suod nga koordinasyon tali sa gobyerno sa Israel aron mapamatud-an kining mga butanga, ingon man sa mga paryente sa gituohan nga mga biktima.
Sa usa ka bulag nga pakighinabi, si Foreign Affairs undersecretary Eduardo de Vega niingon nga lima ka mga Pilipino nga nakabase sa habagatang bahin sa Israel nga wa pa nganli, wa pa makit-i taliwala sa nagpadayon nga gubat.
Giawhag niya ang publiko nga magmabinantayon sa mga impormasyon nga mikaylap pinaagi sa social media. / TPM