2 ka suspek sa salvage sa Mingla nasikop na

NADAKPAN. Mao kini ang duha mga suspek (mga pinusasan, naglingkod) sa pagpatay sa usa ka ex-convict nga giilang si Dhinz Adzyl Abadilla Sabala, nga napalgan sa buntag sa Septiyembre 18, 2023 sa Man-made Forest sa Brgy. Campo 7, lungsod sa Minglanilla. Ang usa maoy giingong gunman samtang ang usa higala sa biktima. Drugas ang nitumaw nga motibo, matod sa Minglanilla police. Giunsa kaha sila sa pag-ila sa kapulisan sa Minglanilla Police Station?  / TAMPO SA MINGLANILLA POLICE STATION
NADAKPAN. Mao kini ang duha mga suspek (mga pinusasan, naglingkod) sa pagpatay sa usa ka ex-convict nga giilang si Dhinz Adzyl Abadilla Sabala, nga napalgan sa buntag sa Septiyembre 18, 2023 sa Man-made Forest sa Brgy. Campo 7, lungsod sa Minglanilla. Ang usa maoy giingong gunman samtang ang usa higala sa biktima. Drugas ang nitumaw nga motibo, matod sa Minglanilla police. Giunsa kaha sila sa pag-ila sa kapulisan sa Minglanilla Police Station? / TAMPO SA MINGLANILLA POLICE STATION

Giingong mga sakop sa sindikato sa drugas ug gun-for-hire nasikop sa kapulisan sa Minglanilla human sila nailhan sa kapulisan pinaagi sa CCTV camera.

Sila mga suspek sa pagpatay sa usa ka ex-convict, kinsang lawas nakaplagan niadtong buntag sa Septiyembre 18, 2023 sa Man-made Forest sa Campo 7, Minglanilla.

Ang mga suspek giilang sila si Tereso Dayupay Jr., alyas ‘Junjun’, 32, dunay kapuyo,ug si Estepan Estrera Canoy, alyas “Tepan,” taga Brgy. Lawaan 1, dakbayan sa Talisay.

Si Dayupay barkada ug silingan sa biktima nga si Dhinz Adzyl Abadilla Zabala, 32.

Wa pa madakpi ang kauba’ng habalhabal driver nga nailhang si Adrian Roy Su­chesa, alyas Yan-yan.

Si Police Capt. Kalvin Jomari Gilitod, hepe sa Minglanilla Police Station nga nahinabi sa Superbalita Cebu sa Biyernes, Septiyembre 22, niingon nga nailhan nila ang mga suspek pinaagi sa CCTV footage sa silingan sa biktima sa Sambag 1.

Sa footage, nakita si Dayupay nga nikuha sa biktima niadtong Septiyembre 17, 2023, alas 11:30 sa gabii.

Ang kabanay nakig-ayon sa kapulisan.

Si Dayupay nasikop alas 6:30 sa buntag sa Huwebes, Septiyembre 21, sa panimalay niini sa Sitio Tangkungan, Brgy. Sambag 1, dakbayan sa Sugbo.

Sa alas 9:30 sa buntag sa samang adlaw, nasikop si Canoy sa Brgy. Lawaan 1, Talisay City.

Matod ni Golitod, si Dayupay nibutyag nga si Canoy maoy nipusil-patay sa biktima.

Si Canoy, usa ka gun-for-hire, gikuha nga mopatay sa biktima nga giingong wala ma-remit sa dakong kantidad sa kuwarta sa grupo sa negusyo sa gidiling drugas.

Makadaghan na nga higayon nga gipangita ang biktima sa ilang agalon nga drug lord nga giingong napriso sa New Bilibid Prisons sa Muntinlupa.

Giingong nimando kini nga ‘ipahipos’ na ang biktima.

Sumala ni Golitod nga gisulod sa laang ni Dayupay si Zabala, kinsa sa wala pa nilakaw, nisulti kini sa kabanay nga duna silay dakong trabaho.

Ang duha niadto sa Lawaan sakay sa motorsiklo, nag-abot sa panimalay ni Canoy.

Sila nangadto sa Campo 7 apan sa pag-abot sa lugar, gipusil ang biktima.

Ang kapulisan nakarekuber sa posisyon sa mga suspek sa kalibre. 45 nga pistola ug motorsiklo nga gigamit. Napasaka na ang kasong murder batok sa mga suspek. / GPL

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph