Duha ka mga indibidwal nasikop sa kapulisan sa Barangay T. Padilla, dakbayan sa Sugbo tungod sa illegal nga duwa nga swertres niadtong Dominggo, Augusto 20, 2023.
Unang nasikop sa Sitio Eagles sa T. Padilla, alas 9:30 sa buntag, mao si Rose Cruz Mercado, 21, ug molupyo sa silingang barangay sa Tejero.
Ug pagka alas 10:30 sa buntag, si Mary Jane Collama, 20 ug residente sa Sitio Silingan II, Brgy. Tejero nasikop sa Sitio Freedom, T. Padilla.
Nakuha gikan sa mga suspek ang play ticket stubs.
Ang duha pasakaan og kasong nakalapas sa Republic Act 9287 o “An Act Increasing The Penalties For Illegal Numbers Games”.
Samtang, ang anti-illegal gambling activities gihingusgan subay sa nasudnong kamandoan sa kapulisan sa paggukod sa illegal nga sugal.
Ang Philippine Charity Sweepstakes Office (PCSO) nireklamo batok sa illegal swertres operators nga nakaapekto sa ilang operasyon sa Small Town Lottery (STL). / RJM