GISALIKWAY sa Mandaue City Committee on laws and ordinances ang tinguha sa barangay Maguikay nga pabutangan ug closed-circuit television (CCTV) cameras ang tanang mga establisamento, condominium ug institusyon tungod kay giingong 'gidoble' niini ang kasamtangang ordinansa.
Matod sa chairman sa komitiba nga si Konsehal Nenita Ceniza-Layese, ang pagpataud ug mga CCTV camera sa tanang establisemento sa Mandaue nalatid na sa city ordinance no. 12-2011-669 nga epektibo niadtong 2012.
Gipangamanahan ni Kagawad Edgar Cabahug, tinguha sa ordinansa 2017-01-013 nga pabutangan og CCTV sa mga gitumbok nga dapir.
Apan si Layese niingon kon aprobahan sa dakbayan ang ordinansa sa Maguikay, mohimo lang kini og kasumpakian sa kasamtangang ordinansa sa dakbayan.