3 ka barangay nakakuha og ginamit nga barel, seedlings gikan sa MCWD

DONASYON: Ang mga opisyal sa Barangay Poblacion, lungsod sa Compostela sa pagpangulo ni Barangay Captain Rolando Rosal (ikaduha, tuo) nidawat sa drums ug assorted seedlings nga donasyon gikan sa Metropolitan Cebu Water District (MCWD) nga girepresentahan ni Edna A. Inocando (wala) ug Engr. John Neville Macabinta (ikaduha, wala). / Tampo
DONASYON: Ang mga opisyal sa Barangay Poblacion, lungsod sa Compostela sa pagpangulo ni Barangay Captain Rolando Rosal (ikaduha, tuo) nidawat sa drums ug assorted seedlings nga donasyon gikan sa Metropolitan Cebu Water District (MCWD) nga girepresentahan ni Edna A. Inocando (wala) ug Engr. John Neville Macabinta (ikaduha, wala). / Tampo

Ang Metropolitan Cebu Water District (MCWD) nidonar og mga used drums sa Barangay Busay, Cebu City; Poblacion, Compostela ug Pilipog, Cordova, nga ilang magamit sa paghipos panahon sa ting-init ug kon adunay gitakdang paghunong sa serbisiyo sa tubig.

Matag barangay nakadawat og lima ka water storage drums nga makatigom og hangtod sa 200 ka litro nga tubig matag drum o sa kinatibuk-an nga 1 cubic meter kon hiusahon.

“These drums can be used and are safe for storing drinking water as these were designed with an easy-open cover and a faucet can be easily installed if needed,” matod ni MCWD Corporate Planning Department head Engr. John Neville Macabina ngadto sa barangay officials.

Dugay nang adbokasiya sa MCWD nga ang mga tawo magpundo og tubig ug gamiton lang kon gikinahanglan ilabi na nga init na ang adlaw.

Sa Abril, ang MCWD adunay average nga kinatibuk-ang inadlaw nga produksiyon nga 240,000 cubic meters nga tubig matag adlaw nga nagsilbi sa 201, 696 ka koneksyon sa serbisyo.

Gawas sa mga baril, ang water district nidonar usab og 200 ka nagkadaiyang seedlings sa matag barangay kansang mga nursery nga gimentinar nangaguba tungod sa mga bagyo nga miigo sa Sugbo sa miaging mga buwan.

Tungod kay ang pagpananom og kahoy kabahin sa ilang mga programa, ang MCWD nitanyag nga hatagan sila og mga mamunga ug mga kahoy sa lasang nga ilang itanom aron ilisan ang mga kahoy nga giibot sa kusog nga hangin nga dala sa mga kalamidad.

Ang mga barangay kapitan matag usa ningpadayag sa ilang pasalamat ngadto sa MCWD tungod kay sila napili nga makadawat sa Corporate Social Responsibility (CSR) Program niini./ (REV gikan sa PR)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph