Ang Cebu City Department of Social Welfare and Services (DSWS) nipahibawo niadtong Miyerkules sa buntag, Hulyo 12, 2023, nga ang mga kwalipikadong persons with disabilities (PWD) sa dakbayan mahimong mo-claim sa ilang financial assistance karong Biyernes, Hulyo 14, 2023.
Adunay mokabat sa 12,900 ka kuwalipikadong PWDs sa dakbayan nga makadawat og P3,000 matag usa, nausa nga ilang hinabang pinansiyal alang sa mga buwan sa Abril, Mayo ug Hunyo ning tuiga.
Ang DSWS nidasig sa qualified persons with disabilities (PWDs) nga makig-alayon sa ilang mga barangay sa proseso sa paghatag og financial assistance. / Juralyn Beso Baldomaro, NWSSU intern. (RRM)