Gidakop sa mga awtoridad ang tulo ka mga indibidwal nga giingong nagtanyag og “kadaugan” sa mga kandidato sa eleksiyon sa 2022, nga nangangkon nga sila naka-access sa Smartmatic system, ang Philippine National Police (PNP) Anti-Cybercrime Group (ACG) nipahibawo sa Martes, Abril 26, 2022.
Giila ni ACG chief Brigadier General Robert Rodriguez ang mga dinakpan nga sila si Joel Adajar Ilagan, alyas Borger; Adrian De Jesus Martinez, alyas Admin X; ug Jeffrey Cruz Limpiado, alyas Brake/Vanguard/Universe/LRR, mga miyembro sa bantogang hacker nga ginganla’g “XSOX Group.”
Nasikop sila sa managlahing mga entrapment operation sa Imus, Cavite ug Sta. Rosa, Laguna niadtong Sabado, Abril 23. Si Limpiado, ang lider sa grupo, nakadawat sa P10 milyones nga boodle money atol sa operasiyon.
Ang grupo nangayo og P60 milyones aron maimpluwensyahan o mabag-o ang resulta sa boto sa usa ka kandidato.
Mga awtoridad nagpatuong mga tawo sa mga pulitiko.
Matod ni Rodriguez nga ang tulo nangangkon nga ilegal nga naka-access sa Smartmatic system, ang major nga automated election provider sa nasod alang sa umaabot nga Mayo 9 nga nasudnon ug lokal nga piniliay.
Matod niya nga ilang gitanyag ang ilang “access” sa mga kandidato nga gustong modaog sa eleksiyon.
Apan matod niya nga giangkon sa mga suspek nga wa silay access ug nagbinuang lang sila sa ilang mga target.
“It is really very difficult to access yung system. To cheat the election, kailangan mong napakaraming involve na tao and it is next to impossible. I am assuring the public na based sa kung paano kami nabrief, talagang very foolproof yung system. Hindi basta basta mahahack. That is the on the assurance na puwede namin ibigay sa public,” matod niya.
“With these arrests, we can assure the public that the threat to rig our electoral process through hacking is substantially diminished as these are the only remaining known hackers who are persistently visible on the dark web claiming that they can manipulate election results,” siya nidugang.
Ang mga kaso sa paglapas sa Cybercrime Prevention Act of 2012, partikular ang System Interference, Illegal Access, ug mga pagsulay sa paghimo sa Cybercrime gisang-at batok sa mga suspek.
Sa laing bahin, si Undersecretary Cesar Mancao, executive director sa Cybercrime Investigation and Coordinating Center (CICC), niingon nga ubay-ubay na usab nga mga kandidato ang ilang gisusi nga nikontak sa grupo. (TPM sa SunStar Philippines)