Usa ka overseas Filipino worker (OFW) nga taga Sityo Camay-an, Barangay Cadiz Viejo, dakbayan sa Cadiz, Negros Occidental ang gikatahong na-missing, kompirmadong patay na human sa pag-ataki sa Hamas extremist militants niadtong Oktubre 7, 2023 atol sa gipahigayon nga music festival duol sa Gaza Strip.
Nailhan ang maong OFW nga si Loreta ‘Lorie’ Villarin Alacre, 49, caregiver su’d sa 20 ka tuig sa Tel Aviv.
Tug-an sa igsuon ni Alacre nga si Annabella Villarin Alacre nga day-off niadtong higayona ug mitan-aw sa music fest sa dihang niatake ang Hamas.
Nakig-alayon na ang Overseas Workers Welfare Administration (OWWA) ngadto sa banay’ng Alacre.
Ang duha nga unang gitahong namatay nga Pinoy sa Israel sa pag-atake sa Hamas pulos taga Luzon.
Samtang, si Senador Imee Marcos nipahibawo nga prayoridad sa nasod nga pabiling luwas ang 25,000 ka mga OFW, mga turistang Pinoy ug pilgrims didto sa Israel.
“Bilang kaalyado ng Estados Unidos, nangako kasi ito ng suportang militar sa Israel, nahaharap tayo sa panganib na gantihan ng mga nakikiramay sa mga Hamas militants habang tumatagal ang digmaan,” matod ni Sen. Marcos. (TPM, FVQ)