Di mominos 35 ka mga tawo ang nasikop sa dakbayan sa Lapu-Lapu tungod sa ilegal nga sugal atol sa Semana Santa
.
Si Police Colonel Elmer Lim, director sa Lapu-Lapu City Police Office (LCPO), niingon nga 10 ka mga operasyon ang ilang gihimo gikan sa Abril 3 hangtod Abril 9, 2023, nga niresulta sa pagkasikop sa mga indibidwal.
Sa ihap, 22 ka personalidad ang nasikop sa mga operatiba sa LCPO tungod sa sabong samtang ang uban tungod sa mahjong, swertres ug hantak.
Si Lim niingon nga kabahin kini sa ilang kampanya batok sa ilegal nga sugal, diin nasakmit usab nila ang mga illegal gambling paraphernalia ug kuwarta nga mokabat sa P8,500.
Ang city director niingon nga ang mga dinakpan walay permit sa pagtigbakay ug nipasabot nga wala kini gihimo sa cockpit.
Matod niya nga mahimong mas daghan ang madakpan sulod sa semana kon dili sila mopahigayon og mga pahinumdom o rekorida sa palibot sa siyudad.
“Despite ana, naa gihapo’y mga nagpabadlong...Siguro kon wala pa gyud ta, kana nga figure sa cockfighting mo-double or triple pa na siya kay nagtuo siguro nga legal na sila,” dugang pa niya.