DUL-AN na sa 1,000 ka mga pasyente sa coronavirus disease (Covid-19) sa Dakbayan sa Sugbo ang naka-recover ug nakagawas na sa mga barangay Isolation center (BIC).
Sa kinatibuk-an, moabot na og 42.9 porsyento ang recovery.
Sa Lunes, Hunyo 1, 18 ka recoveries ang natala sa City Health Department samtang 45 ka mga bag-ong kaso ang nadiskobre sa dakbayan base sa resulta swab test.
Sa kinatibuk-an, niabot na og 2,319 ka mga kaso sa Covid-19, diin 995 ka mga tawo ang hingpit nang naka-recover.
Ang 18 ka naka-recover gikan Tejero (13), Labangon(1), Basak Pardo (1), Duljo (1), Mambaling(1) ug Mabolo(1) base sa resulta nga nigawas sa swab test.
Samtang ang mga napositibo sa Covid-19 nagagikan sa Barangay Apas (1); BasakPardo (1); Bulacao (1); Calamba (1); Camputhaw (4); Capitol (1); Cogon Ramos (2); Duljo (3); Ermita (2); Hipodromo (1); Kalunasan (1); Labangon (1); Lahug (2); Lorega(1); Pahina Central (2); Pasil (4); Sawang (3), Suba (5); T. Padilla (1); Tejero (1); Tisa(1); Tinago (1); Sambag1; ug San Nicolas (4).
Sa unang adlaw sa general enhanced community quarantine, ang Cebu City anaa na sa 42.9 porsyento nga recovery rate. (PAC)