GIPOSASAN ang inahan human nasakpan sa awtoridad nga gibugaw iyang duha ka minor de edad nga anak lakip sa duha ka pag-umangkon ug usa ka ig-agaw nga mga minor usab pinaagi sa paghubo atubangan sa camera sa usa ka website.
Si Mafe (di tinuod niyang ngan), 29, minyo gipusasan human sa entrapment operation sa mga sakop sa Womens and Childrens Protection Desk Visayas Fiel Units7 (WCPD-VFU), Daanbantayan Police Station, 701st Mobile Company Regional Mobile Force Battalion (RMFB7) DSWD, Regional Inter-Agency Council Anti Trafficking, International Justice Mission (IJM) 7 niadtong Martes, Marso 10.
Si Captain Ian Macatangay, hepe sa Daanbantayan Police station nga nahinabi sa Superbalita Cebu nagkanayon nga si Mafe nibutyag duha ka tuig palang sila nga mipauli sa maong lugar ug hilom nga mipadayon sa iyang ilegal nga kalihukan.
Si Mafe nibutyag nga nagsugod siya sa pagsayaw sa social media nga hubo ang tibuok lawas sukad pa niadtong 2015.
Apan giklaro niya nga siya maoy unang nabiktima sa iyang ig-agaw samtang nagpuyo sila sa Bario Luz, dakbayan sa Sugbo.
Apan naingganyo siya niini sa pagpakita sa iyang pribadong parte sa hubo nga lawas.
Gawas niini ang iyang mga anak gilakip niya sa maong illegal nga kalihukan ingon man pag-umangkon og ig-agaw aron sila maka income gikan sa mga langyaw nga kustomer.
Si Macatangay, mibutyag nga wa gyud sila magdahom ingon man mga silingan kabahin sa kalihukan ni Mafe nga mibugaw sa iyang kaugalingon anak ug pag-umangkon sanglit hilumon kini nga pagkatawo samtang simple lang usab ang pagpuyo niini pero luyo sa tanan dolyares ang kita niini gikan sa mga kustomer nga mosud-ong sa live show niini.
Si Mafe mo-perform sab sa iyang kaugalingon.
“Hilom man gyud kaayo ni sila sa ilang barangay bag-o pa man sila mipuyo diha unya di mahibaw-an kay simpli ra kaayo ilang panginabuhi,”dugang ni Macatangay.
Gibutyag niini nga si Mafe mag-atubang kini og kasong kalapasan sa Trafficking in persons for sexual exploitation, kalapasan sa RA9775 Child Pornography ingon man kalapasan sa section 6 sa RA10364 Obtaining and Offering Children for purposes of pornography and sexual exploitation of childrens. (GPL)