Sa hinapos nga semana sa Enero karong tuiga, lima ka mga tawo ang nasikop tungod sa ilegal nga swertres sa lalawigan sa Sugbo.
Usa sa mga nasikop giilang si Archie Bago, 30, taga sityo Mitan-agan, Brgy. New Bago, lungsod sa Asturias. Siya nadakpan sa sityo Mohon, Brgy. Colonia, lungsod sa Tuburan, matud ni Police Master Sgt. Eric Diamante sa Tuburan Police Station.
Laing nadakpan giilang si Edwin Momo Katanaman, 45, taga Sityo Sombil Dos, Barangay Poblacion, Tabuelan.
Samtang sa lungsod sa Liloan, tulo ang napusasan sa anti-illegal gambling operations sa Liloan Police Station.
Ang mga suspek giilang sila si Jay Duterte Sacristan, 22, taga Sityo Impang, Barangay Jubay; Claudine Bog-ot, 25, taga Barangay Poblacion; ug Arian Trace Libato, 18, taga Sityo Cabancalan, Barangay Jubay gihapon.
Ang kapulisan nakasakmit og P1,050 nga gituohang kita sa ilegal nga sugal.
Mga gamit usab sa ilegal nga swertres lakip sa nasakmit.
Kahinumduman nga ang pangu sa Police Regional Office (PRO)-7 Police Brigadier General Jerry Bearis nipahimangno nga walay puas ang ilang pagpatuman sa kampanya batok sa illegal gambling lukop Central Visayas.