TULO ka opisyal sa Police Regional Office- Central Visayas ug duha ka Police Non Commission Officer nga nag rango og Police Officer (PO) 1 ang gipasakaan og kaso ni Chief Superintendent Debold Sinas human misibat atol sa gihimong One Time Big Time operasyon batok kriminalidad sa Negros Oriental niadtong Disyembre 27 hangtod 30.
Ang maong mga pulis kalit lang nga nawagtang sa dihang mihamag na ang ilang mga kauban sa mga subject sa search warrant nga giluwatan sa korte nga nag tiner og mga armas nga walay lisensya.
Matod ni General Sinas nga sa dihang nag buto-buto na kalit lang nga na missing ang duha ka mag agawng pulis nga taga Dalaguete na silang PoO1 Melvin Cañete ug PO1 Tomas Cañete sakop sa Regional Mobile Force Battalion.
Tungod sa maong hitabo naalarma si General Sinas sa pagtuo nga aduna siya'y sakop nga nakalas nga maoy hinungdan nga gipatawag niini ang tanang pulis nga gidala sa Negros.
Nianang pagka gabii sa Disyembre 27 mipatim-aw ang duha ka mag agawong pulis ug mipahibawo nga nasaag sila sa dihang mag buto-buto na, ug didto sila na punta sa usa ka sapa sa bukirang barangay sa dakbayan sa Guihulngan.
Apan sa gihimong imbestigasyon nasuta nga wala gyud sila mokuyog sa bukid sa kahadlok nga gibati ug nag pabilin lang kini sa usa ka restaurant og nagpaabot nga makabalik ang tanang tropa sa Philippine National Police.
Tungod sa maong hitabo gipaimbargohan dayon ni General Sinas sa ilang armas ang duha ug gipa return to barracks samtang gipasakaaan og kasong Cowardice ug dishonesty nga mahimong ika tangtang nila sa serbisyo.
Gitawag ni General Sinas nga mga talawan ang duha ka pulis.
Samtang adunay miuli nga walay pananghid nga tulo ka opisyal diin usa niini nag rango na og Chief Inspector ug duha ka Police Inspector.